爬格子的日子

昨晚，終於拿起筆來用中文寫了兩千字，原因是同學會邀稿，沒想到是如此辛苦，其實，二十年前的我，根本是手到拿來，沒想到今天卻如此不濟，題目是本行的介紹，我有的是Powerpoint版，卻沒有文字版，要命！

web 遊 博物館

一些曾去過，覺得合designer去下哩d博物館，

現代美術館
www.moma.org

大都會美術館
www.metmuseum.org

古根漢美術館
www.guggenheim.org

羅浮宮
www.louvre.fr

或者會問點解甘多嚮美國，因為歐洲的較專門(除左大英)，美國d夠濫同埋國家惡，搶唔到舊野就搬d近代d，不竟設計藝術係近期d，無計！

又要填海？勁反對！

政府又話要填海，記得讀書時，阿蛇話太平直既海岸線，會使水流更急，沉積更多，又話要減少車流，還我藍天，填海整條繞道來增加流量，政策互相矛盾。為mud？
記得阿爸以前游渡海泳好威，現在，二千公尺不到，我游也不用45min.游完。為mud？
要把灣仔會展左右填平，會展海景小左六成。為mud？
平日做野做到傻仔時，都會坐天星過海、吹風、逛下兩岸，若在中環、尖沙咀一帶見客，更加坐一趟，填直左為mud？
設計要充電，我相信維港係我個代的根，根都起埋，講mud培養本土文化，加埋d高樓大廈，後現代+仿現代+唔知mud代。有個古老鐘樓唔要，拆剩一小舊，留低去裝響另一幢建築上，然後建個仿古新鐘樓響填海區。為mud？
遇到甘既taste的老闆做客，做設計等於自殺。慘！慘！慘！

買樓定租樓？

以下言論只限指二百幾自住情況，本人不反對買樓放租或五百萬以上的高級中產樓自住。

1. 買樓係不動產投資，交易期長風險高，有難度嫁。

2. 房東加租兩年一次，若你喊搬，可能立即減租。銀行加息自動化，減息周期平均只有兩年，跟住每年加四次，無得預算。

3. 間新樓過十年要重估兼減值(normal less 20%)，加上法例要求，要找人驗樓維修，而且一年比一年洗更多。除非買十八年大型屋院的舊樓，到底就有反彈的可能。

4. 九七前昇值蓋過一切，問題係現況不能，將來的政策也不容，"計劃經濟"+八萬五效應+澳門+深圳福田+銷售稅+...，令香港樓勢不再。

5. 若用六十萬(首期)買匯豐or思捷or中油，知唔知二十年(還款期)的回報有多少？更不提投資對沖基金or黃金了。

點解我六年前唔識諗，不過，總算學多d了。

人生大事

近來除左忙，仲做左個重大決定-賣樓(止血離場)，近日朋友群中，流行放樓，特別係生意人，將D千呎以下，值二百幾d放售，原因係現在小停加息，有小小反應，於是伺機止血或小賺離場，當中大部份係以前信左董生，現在唔係好信曾生，都改靠自己的人。
其實，自己算聽阿媽話，好好讀書，?份好工，結婚、買樓、生仔，一一做到，點知上一代的formula，apply唔到這一代，完全兩回事，似乎聽阿爸話好d，在這幾年，學多左d投資法則，其實無穩賺的生意，要知止賺and止蝕至得，唔好太信新聞紙、政府同銀行，其實層樓係用黎住，邊個人的名根本唔重要。

leonard7007 理財心得：
1. 唔好借錢，向銀行借都要避免。
2. 上一代的智慧未必正。
3. 香港現行房屋法律向某些人傾斜，小業主、小賣家要小心。
太多了，下回再續。

忙是好事？

好耐無上了，皆因同時趕兩個jobs，一個完成了，另一個大半，雖然有生意係好事，但係客人有千萬，人人要求唔同，都好要命，而且回報仍不高，三日sleep晚半，無計！現在明白阿爸反對的做designer的原因，他早已身受其苦，我諗我都會同佢講同一番話，但係由佢自己決定。