向Benazir Bhutto 致敬

一日，回家看到新聞，知道佢遇剌，雖然係巴基斯坦，但係都有朋友係嗰度工作，更佩服佢對民主嘅堅持，係我地香港呢d『凡人』(特別係某些上流人)所不明白，亦不關心的。
昨日，知道佢個仔Bilawal會出黎承繼佢嘅遺願，一個十九歲嘅牛津仔，本來夜夜happy，前途光明，要走上政治不歸路，保證要日日冒被暗殺同流亡嘅生活，實在令許多靚仔汗顏。
預見到印支半島會有超越中國的一天，因為他們有為民主而死的心志，而且，遇到的留學生中，大部分都很刻苦，比中國來的有過，語文了得，顧大我而輕小我，明白到政治唔係小撮人的遊戲。

一年容易又一年

本想正時才開blog，今晚要返church，都係寫左先。
過左四十，已經唔想plan mud 野一年大計，因為太多野想做，只想有咁多做咁多，回顧嗎？倒是可以。
2007都係唔錯的一年，
工作上，保持去年的業績，而且有d新方向的計劃&企劃，要在08年落實。
家庭上，小王爺入到佢心怡嘅學校，仲選左佢自己嘅樂器，希望佢成功，太后可以鬆少少。
事奉上，有左較穩定的崗位，仲會響08年開一個新group，要靠上邊嗰位。
朋友間，見番好多小學、中學、grad school嘅同學，仲開左個group俾65316，希望個group會走到有概念同事實嘅design group。
講到呢度，發現我d計劃係plan到死為止，似乎心態變化更大，少左一份魯莽，多左一份盼望。或者見野多左，明白到人的有限呱！

再轉貼：設計師之歌 - 死了都要改

又要多謝墮落飛=(ΦωΦ)=，同我share左呢首歌，

借用自http://blog.xuite.net/ptsblog/news/14474884

歌詞：

把每天
當成是交圖的dead line
一分一秒
都改到淚水掉下來

不理會
客戶是看好或看壞
只要你勇敢
給我改

哎......
這條路沒法改
沒感覺去對著電腦all day and all night
享受現在
別一說改就怕受傷害
許多好圖我們相信
全靠改出來！

死了都要改
不推翻重來不痛快
我們這行
都是這樣
個個都明白

死了都要改
不改到通宵不痛快
宇宙毀滅甲方還在

把每天
當成是交圖的dead line
一分一秒
都趕到淚水掉下來

不理會
最後是改好或改壞
只要有時間
你還得改

so.......
不要改得太快
你改得越快他的想發也就變得快
改到現在
才發現**的都變態
沒有奇跡我們相信
往死裡改！

死了都要改
不理你身體好與壞
三個通宵
你就會死掉
死得不明白

死了都要改
不改到飆尿不痛快
改到停電沒鬼曬

窮途末路都要改
不說句葬話不痛快
筆會損壞
圖會掩埋
計算機還在！

到絕路都要改
不日夜顛倒不痛快
改到最後還得改！
改到變態才精彩!


下載 MP3版

不妨反思一下

謝謝Do Ro Thy! 個人不置可否，不過，值得自我檢視一下。

引自：Metropop (http://hk.myblog.yahoo.com/jw!Bkc2cUieGQPc4n5s4vIbfR_m.EQp/article?mid=899)

作者：李永銓

這回講講設計師的十忌。

【忌口臭】設計師多數晚睡,沒有正常合理的作息習慣,再加上不少不良嗜好（酗酒噎煙）,很多設計師都有口臭這種問題。除了生理上的口臭外,有時還有心理的口臭。

【忌寸】近來有不少新入行就自稱為設計師的人,非常寸。過去也曾見過一位設計師,自從得到三十個雞毛蒜皮獎之後,自我忽然膨脹,忽然「大師」。其實設計師並不是個甚麼特別的身份,自卑的人才會喜歡寸人。

【忌LV】除非你不在人前稱呼自己為設計師,否則請不要向人炫耀自己拿著LV袋。用LV袋沒有罪,但以一個設計師的角度來看,好像少了一點應有的性格。

【忌用A貨】絕對不要用A貨。除了是尊重別人的問題之外,行內大部分人都是驗Ａ貨的專家,一眼便知是龍是虫,請大家切勿以身試法。

【忌戴漸變太陽眼鏡】女士們還可以接受，男士就絕對不行。曾有一位設計師,戴上一副漸變太陽眼鏡上台領獎,不留心看的話,會以為是金正日大駕光臨,驚嚇程度達十級。

【忌沖大頭】請不要把自己是什麼什麼設計協會會長掛在嘴邊,特別是前度的。記得有次在中國內地,有位某設計協會的「前度」會長,老是在吹噓自己的豐功偉蹟,其實身為行內人,都會明白大部分設計協會均為民營,並不專業。這種自吹自擂的行為實在非常噁心。

【忌拋書包】不少設計師都喜歡把說話簡單複雜化，滿口XY主義,務求令所有人都聽得半懂不懂,而把他奉若神明（因為多數人都不願承認自己的無知）。偶爾遇上滿腹經綸的知識分子,卻啞口無言。

【忌怨天尤人】有些設計師,一天到晚總是在怨天尤人怨人怨事怨機會怨東怨西。其實每個人都有自己的問題,行行都有不如意的事情,你過得不好,難道就只是行業的問題,而你自己卻什麼問題都沒有嗎？與其埋怨,倒不如省口氣去解決問題吧！

【忌懶型】最怕看到以為自己好有型的設計師。其實設計師亦不過是普通人一個,平實一點,給人的感覺會更好。

【忌扮忙】現實裡每一位設計師都很忙，有誰不忙？忙見客,忙出單,忙收數,忙找數,忙上網,忙扮忙,總之人人一樣忙，反之你扮無事可做的話,還可算是有點新意。

聖誕快樂

香港都有街頭藝術

謝謝三界！
http://www.youtube.com/watch?v=LYYHF3zZNOE&eurl=http://www.google.com.hk/ig

天才兒童

天才，不只是因為她會彈，而是她享受。
http://www.slide.com/r/qFe-GvOy6T-ZWIb4_8MO2OA4W51KRgVz

衝刺期喇！

進入十二月，係學生的project衝刺期，沒有以前的龍頭跑出，只有洗出tutor的功夫。

昨晚同兩個Dip升上黎嘅學生傾，才更為掌握整幅picture，見到學生選定題目，應該勇往直前，遇到問題就去拆，但係佢地會縮，見佢地嘅skill唔錯，但係designer嘅EQ就不足，原來過去嘅training係集中左skill，攪到佢地勁無自信，以前有阿蛇步步guide住，做得唔happy，但係made到期，阿蛇交到貨，學生就唔知點用，遇到我呢種放牛食草嘅，一個字『慘』。

睇黎要同佢地惡補一d mind-set嘅野，其實，今日嘅娛界，後生仔好鍾意周杰倫、周星馳、鄭秀文、蔡依林等歌手，但係佢地個份自我要求同交足貨嘅心態，更要學至啱。大家好想一張sketch賺十萬，得，都要先畫十萬張無錢嘅至得嫁，做創作嘅人，一定有自我要求至有客信你。

剛出來做嘅初期，見個bank account一個個位咁縮，好驚，於是mud job都接，仲個客話點改就點改，結果，攪到cheap晒，而且仲少生意，後來，好唔開心，搏命祈禱同反省，學到嚴謹挑job同強力自我要求，甚至可以免費做好job，反而可以開心做又有d轉機。

希望後生一輩嘅design人都早日建立自己嘅要求喇！

心痛

星期日，同小王爺去公園玩，他玩愛玩的馬騮架，點知，佢一不小心，從三米處墮下，而我就只差一步。

幸好bottom著地，但係後腦碰到個架，蓋了一幢IFC，一向硬朗嘅佢都嚎啕大哭了。而我，又要強裝鎮定，怕他更慌亂，心中的痛卻是...好難過。

雖然自己係嚮馬騮架跌大的，但係見到小王爺咁痛，認真難過，原來做父母係咁嘅，差點隨著他的長大而忘記了。

環環相扣

有舊老闆話因為個Blog同Facebook識多咗人，其實，都幾開心嫁。

各人嘅生活故然會有悲有喜，但係，人係要share嘅動物，而且，出嚟江湖自僱多年，networking係好重要，唔係about $ only，係可以令自己成長。踏入十二月，係中學同學們聚會的旺季，畢業廿四、五年喇，廿幾年各有各忙，近日又再相遇，仲係因為Facebook同MSN而再相見的，好特別的感受。

人的關係本來就係一環扣一環，各人的故事都有接合點，所以我愛“人”和“人際關係”，當年in 成香港嘅大學，就會入咗人文科學喇！當然，個中也有風險的，或許也有俾hurt的機會，唉！反正兩腳一伸，都會過去。

終算活過呀！已經賺到了。

天與地

昨晚如常上課，再一次經歷天與地的感受，其實，每到週一和五的晚上，我都在玩過山車。

一位老闆選了手腕device作project，佢上星期的sketches係好初哥，但是，昨晚卻相當入形，顯然下過苦功，我在心中high到上天。但係，不到三分鐘，又丟到地上來。

另一位老闆的schedule一直墮後，最慘係連designer要求美的動機都冇，同我講佢個design單sell idea，唔係呀！咁都得？唔通要響DS度重教foundation？最後，仲問我會唔會因為同我argue過而扣分，老實講，年年都有學生要堅持自己嘅idea而"argue"，佢地唔係丁就起碼credit頭，不過，無人敢唔做野都嚟"ARGUE"，都算新鮮喇！

係喇！前兩日係學生嘅grad. ceremony，恭喜晒！祝十八年後，一代宗師。