執法者的修養

靚仔時，阿媽話『好仔唔當差』，加上自己大近視，根本唔駛諗。同差人最深的交往，係有一班當差的朋友，九七後多已退役，仲有一次凌晨四點去尖咀差館幫個朋友解圍，各大哥都好有禮，呢d都係九七前。

但係九七之後，有d唔同，行過差館嘅停車場閘口，都會俾阿蛇話『四眼仔，行快d喇，撞死你啊！』反而內地公安見你係讀書人都會好來好去。

從近日的GOD同雷射槍事件，似乎香港d官同差人的水平，有貼近內地水平甚至有『後超』的趨勢，至少內地官員開始識諗下在預算內完成基建工程，改變下過往嘅『有錢大家搵』心態，仲砲轟中央政策彊化。

似乎內地的政改已經在動，相信返內地工作會好過係香港做，似乎香港嘅人才同法治已經無mud優勢喇！

終於回家了

昨晚，在朋友家作客後，與小王爺高高興興地回家，因為要處理大事，太后先行一班車。

和小王爺浪漫地踱步於月光下，因下過雨，加上氣溫低，路面挺滑的。小王爺按照慣例，走過M字的生活用品店，就會加油把我放離，而我又要和鄰居寒暄幾句，結果，...。

半小時後，我們在瑪嘉烈的ER排隊，最後証實手骨斷裂，小王爺雖然忍痛功夫了得，還是流下英雄淚，因為怕日後無得玩樂器，更重要是三星期後的春運。於是向醫生、護士追問一番，在此，亦要向香港的醫護人員行個禮，好pro同特別照顧靚仔。

經過一整夜的奔波，午後終於回家了，連同小王爺打了石膏的手。只是，內心的痛，仲深過當年俾人飛的日子，為免王爺恐慌，又要裝成無mud咁，仲硬食太上太后的一輪責備，只嘆下人唔易做。唉！

賀「住好啲」一干人等無罪獲釋

創意無罪，設計有理。