可憐天下父母心

小王爺的升小一工程進入直路，實在令我眼界大開。

太后同我有一套培訓計劃，所以對小王爺的升小具有一定的信心，而且，目標只是d老校，最多三間，已經算輕鬆，但係，在申請的過程中，有小朋友要in二十間小學，仲親眼見到有人交出一本60頁的port-fo，同我嘅畢業論文有得比!

仲有家長俾2K個小朋友去上面試班，幾百蚊寫一封推薦信。

可悲係有不少入圍無望，無奈！

慢下來

好一段日子無寫野，事關忙得不可開交，上深圳講左三日training，跟住要趕住修改d project，客嘅comment要跟足。

其中一個做左三年嘅客，要省budget，我只做外觀，交俾佢嘅engineer做結構，又要我做packaging，點知佢改到九彩，由於兩個project獨立俾的，睇住個仔俾人攪成咁，想喊！

簡直係政霸

田北俊發炮‧周松崗道歉‧不滿提名陳淑莊‧揚言地鐵事務「睇緊啲」

好少講政治，但係睇到呢段新聞，太離譜喇！

欣賞陳小姐嘅演技同對香港有heart，周主席係師兄，有心栽培後進，都係好事。點解d議員可以用市民賦予的權力，講d咁嘅野，好彩一向對佢公司d產品勁排斥，唔好益佢。

原味家作

經過多月的奴役，係接收成果的時候了，可惜八個西瓜，只有一個到肚，但係d勝、水瓜就幾好，跟住係太后的家作了，也正合我嘅減磅計劃。

永別！灣仔運動場

聽講政府要鏟左個灣仔運動場去擴建個會展，哀傷！

乾脆封左條紅隧，攞個灣仔出口來擴建。

又少個集體回憶兼通風口。

高官即係高官。

永遠美麗

雖然係國慶，但係無mud感覺，反而係前天瞄了幾眼的『慧賢xx』。

若問我關於香港小姐嘅野，實在無印象，但係有兩個名總會記得─朱玲玲、鍾楚紅。

前者嚮節目中係咁出現，有素顏亦有濃裝，仍然美麗如故，不愧係『最美麗的港姐』，幾十歲都保持到，或者係加多左內在美，又無d靚妹嘅吱吱喳喳！『中間分界』點都扣唔到佢分。

令我想到好design都係咁，一件product勁賣三個月後收皮，總不及賣到五年的，所以，前公司會俾張獎狀d長賣六年以上model的designer。

買銀行股就一定搵匯豐同建設，唔通中銀同中信咩？