開學在即

滂沱大雨中，跑回學校開會，事沿開學在即，新舊制並行，上頭要Brief下。

問題係我都未收到通知，有得撈。

唔知好彩定唔好彩，今年帶最後一班的65316，我喜歡！但係明年就很可能隨65316而去，新制有唔同的玩法，我的level真係『唔夠班』教，時間少左三分一，全部當intro教就差唔多，但係學生水平又降左，只好嘆一句....自求多福。

難為了學生。

風雨飄搖中的好消息

日趕夜趕，俾d客吹到無氣透，一個學生MSN我，想起今天會考放榜，佢要靠科英文插Polu U的design Yr2，問佢結果如何，點知佢牛頭唔對馬嘴，原來佢win左今年鐘錶展比賽的第一名，雖然，技術仲有D問題，但係足夠攪掂班錶佬。

老實講，我比較關心佢入唔入到Poly U，定係入UCE，結果佢無失手，仲拿拿淋resign堆，其實，得獎係一時，學位係一世，佢個班高(學歷)手多，加上叫designer讀書，簡直攞佢命，所以只係credit到，相信佢去Poly 一定好過UCE。

年年都會遇到一d好值得說去讀Degree的學生，點解我o甘多事？呢份衝動係源自『好馬要有好馬房』的心態，遇強愈強，不過，唔係好多學生肯o甘做，今年終於有個合理結果。

祝佢前途無量。

值十幾萬月薪的辦事能力

昨日下午，政府終於出手了。

下午五點左右，和一位剛從皇后碼頭回來的鄰居聊起一些往日景象，他是一位退休的建築工程公司的老闆，他希望留下一些回憶，就去作最後弔唁，言談間，他倒為小王爺這一代感到婉惜。

個人沒有對保育人士的行動置予可否，因為哪不是重點，而是文物的背後含意。記得在國外唸書的日子，因為經濟能力有限，都會利用假期打工，存錢作為下學期的學費，往往兩年才回港一次。每次回來，都對香港產生一份莫名的陌生，太多拆後重建的建築，久而久之，我們也習以為常了。

今日，政府有意無意中，努力地去殖民地色彩，自然會輪到那些敏感建築，下一站或許是大會堂了。若要說服大家，政府是逼不得已的，那曾特首和諸位月領十幾萬的高官就未有做好這份工，他們的藉口正像我們因應客戶要求更改設計後，工程和生產部用來推搪的理由是同一種水平，不是不能改，是厭麻煩而不願改，這種工作態度要不得。

英治時期，作為殖民地的居民，無話可說。今日的香港，還用『大石壓死蟹』的管治方式，省一口氣吧！要知道社會的精英，往往都不在政府內。

老實說，國內若用這種方式來求發展，相信上海和青島早就移為平地了，未想到香港政府的管治水平，比文革年代的上海和青島政府都不如，倒有點像現在的陳水扁政府。唉！日後教設計更難，相信學生們一定不知道什麼叫『具香港特色』的設計。