明智之舉

今早，太后和小王爺走路上學，如往日一樣，剛好遇上校巴路過，獲邀坐便車，太后覺得小朋友奇嘈無比，不明原因，後來，小王爺希望與太后多一點小聚時間，還是下車走路了。

從司機姨姨的口中，得到了答案，原來小王爺深受他的班上和隔壁班的小女孩歡迎，或許是長得高一些，弄得校巴內熱起來。原來，除了午夜門鈴一事外，還有這些小插曲。

為他選男校也是明智之舉，日後只需專心應酬鄰家女孩就可以。

放榜喇！

經過個多月的勞動，今早終於放榜了，小王爺入到佢理想的學校。

在這個幾月中，對個人、教育和家長與小孩的關係上，有咗新的啟發。

我只係幫佢報左四間(包括政府自行分配)，入到佢理想的學校是全靠他的實力，除了信仰和獨子外，就沒有加分的因素，因為另兩間會有old boy 的因素。當他收不到其中一間的2nd IN通知時，我實在有d down，加上他曾告訴我，在in 佢理想的學校的過程中，老師問問題時，他選了一個與其他小朋友都不一樣的答案時，忐忑的黑暗就來臨，而最後一所是800收20個，更加渺茫，驚。

當初訂下的選校準則很畸，選擇本來就少，要有百年歷史的基督教的九龍區學校已不多，不過，經此一役，學會了相信自己的小孩是很重要的，相信他的意願，相信他的判斷和相信他的禱告會蒙應允。

似乎各校會因應教學理念而收取特定性格類型的小孩，或許因應父母心中的期許來選擇學校較好。有人說，學校不重要，讀書不是求分數，不過，現行的教育制度下，實在不得不小心。

喜宴

上周末參加左表妹嘅婚禮，下午係church的，晚上係酒樓，本來對呢類應酬不甚熱衷，但係見翻d親戚，由細玩到大嘅堂、表弟妹，又幾開心，仲有不少信耶穌喇！最安慰。

年紀大左，多左回憶的衝動，同長輩們都吹得兩嘴，我的兩老更加開心，因為一向我行我素的我，也變得世故了，無他，自信多了一點，更加可以放得開。

話說回來，呢個表妹係叻女，major 數學，家族中，很少女生走理科，仲係pure。此外，看到第三代仔仔一堂，好好玩，不過，小王爺無份，因為佢早上去左母校面試，所以只係去左church。

不過，來年的團拜就無份喇！都好想一齊玩多次，集體回憶。

『左腦定係右腦』的更正

昨天post的Link要更正，原來只係視覺錯覺的遊戲，謝謝GM5，不過，都有d玩味嘅，應該唔會俾差人拉掛？

更正如下：

http://www.youtube.com/watch?v=1wHsPd0P2Js

左腦定係右腦

前學生pass俾我嘅！有趣可試。

http://city.udn.com/v1/city/forum/article.jsp?aid=2364237&no=54203

設計自由嗎？(續)

星期五，有個學生好頹咁樣，原來佢係G.O.D.做，我同佢講，我個人係buy佢間公司嘅concept同design，事實上，屋企d傢俱，十居其九都係佢地嘅，因為IKXX嘅都壞左丟晒！連隻貓張床都係G.O.D.嫁。

報紙話『... 雖然住好啲表示買了該款T恤的顧客可以退貨，警方亦呼籲他們與警方聯絡，但昨日並沒有擁有該款T恤的市民作出回應。 』

如果我有，一定唔交出嚟，大佬，超級限量版，起碼昇值100倍，如果G.O.D.係上市公司，我會狂入佢隻股，最好佢間唔中整一單，正過FCUK，股價隨時高過330。

話時話，嚮呢個後現代主義嘅年代，人對一切固有價值及權威，都會產生或多或少的質疑，除非無mud獨立思考能力嘅人，大多數人都顯露出呢份反叛，一d都唔奇，最後只有真理至企得住，不過，一定唔係香港呢條反黑法，事關只有香港會咁用。

設計有自由嗎？

近年有興趣的本土品牌，莫過於G.O.D.，有concept同marketing，當然，寄賣品例外。

近日的『拾x畸』事件，令佢更出名，或者係佢地嘅marketing都唔定，不過，做生意要有危才有機，而且，Designers的踩界性格，唔會因一件事而改變，反而會突顯政府的『麻瓜』，警察執法係應該，但係手法奇cheap，對文化的輕蔑更無知，個人經驗，仲差過深圳公安，呢個社會係笑貧不笑娼，以前同學生講，designers在某方面似娼妓，現在要改口，因為警察跟娼妓的關係，會好過同大學生、教授和文化創作人的關係。

相信真正的『拾x畸』會因呢件事暗笑，佢地原來係香港本土特色─G.O.D.的concept。

有人問，如果小王爺因設計踩界而被告上法院，我會點？相信我會幫佢打到底，俾d『麻瓜』的政治整惑，多餘！

學生問，出國讀design會值得嗎？事實係香港唔要你，一樣係poly、IVE畢業，點解去外國轉個圈就得左，其實國外的design教育都係差唔多的料，差別係創作的空間同尊重，日本Canon & Seiko 的deisingers的pay仲低過香港同grade的同事10%以上，但係嚮公司及社會上受到的尊重就天與地。

打工係我嘅末路...............。

政府都有d人有品味的

昨日係小王爺的例假，每年都必放的，等佢謝絕一切鬼野，下午我要交貨俾客，一家三口就用上午去左濕地公園，雖然係政府破壞自然的小恩小惠補償，不過都算幾好。

小朋友更因為搭左唔同嘅交通工具而勁開心，見到蛇食魚，仲有好多雀，加上識左新朋友，逃學都開心。